Obviously, mahal na mahal ng daddy niya ang asawa dahil tiklop ito ng magsalita si Mommy Irish. Nakakatuwa silang tingnan pero iba ang sitwasyon namin sa kanila ng anak nila.
"Hindi mo pa sinasagot ang tanong ko," pormal ang mukha na sabi ng mommy ni Declan na muling napunta sa akin ang atensyon nito.
"Bakit kayo nag-away at bakit umabot sa nawalan ka ng malay ng isugod ka sa clinic?" tanong nito sa akin.
Nilingon ko si Declan, pormal lamang ang ayos nito pero mariin niyang hawak ang tuhod ko. Alam kong isang pagkakamali ko lang ay baka balak niyang baliin at putulin ang mga buto ko.
"Nagalit po kasi ako sa kan'ya, natapilok ako ng akmang lalabas ako ng pintuan para umuwi at hindi ko po kinaya ang sakit ng paa ko dahil masama ang pagkakabagsak ko kaya nawalan po ako ng malay," pali
