Enzo Alphamirano
Tahimik kaming nakaupo sa loob ng library habang hinihintay namin si Magnus. Mahaba ang mesa na kasya ata ang isang dosenang tao. Magkatabi kaming nakaupo ni Enrique habang sina Aurelio at Lucca naman ang nasa harap namin.
Tahimik lang kami, nagmamatyag, nag-aantayan kung sino ang unang babasag ng katahimikan.
"Sino ba kasi nagsabi na morgue 'yon?" pagbasag ni Aurelio sa katahimikan. Napatingin sa akin si Lucca, maging si Enrique ay napatingin din sa akin.
I intertwined my fingers saka ako napabuga ng hangin. Tama nga ang hinala ko na sa akin nila isisisi.
"Natural na sa 'yo namin isisisi dahil sa 'yo lang naman namin narinig 'yon," sabat ni Enrique.
"Sorry ma," paghingi ko ng paumanhin sa mga ito. "Sino ba naman kasing mag-aakalang koleksyon lang pala 'yon ng mga--"
