Margaux Arevalo
Nang mahila ko ito papasok ay pabagsak kong isinara ang pinto saka ko ito itinulak sa pader. Nakasandal ito saka padausdos na napaupo sa sahig habang tulalang nakatitig sa akin.
"A-are you really the ghost in this manor?" tanong nito habang titig na titig ito sa akin.
"Ha?"
"Ikaw multo dito ng bahay?" Mas lalo akong napakunot noo sa pananagalog.
Biglang nagliwanag ang mukha ko nang makuha ang ibig nitong sabihin, "May multo sa bahay?" Paglilinaw ko. Tila ba nag-isip muna ito saka tumango.
Naupo ako sa sahig upang magpantay kami. Tumango ako. "Palagay ko rin may multo dito sa bahay, halos kasi lahat ng tao dito natatakot kapag nakikita ako." Pabulong kong turan sa mabilisang paraan. Napangiti ako nang makita ko ang excitement sa mukha nito habang nag-uusap kami. Inilap
