Napabuntong hininga na lang si Margaux nang makita ang isang pamilyar na scenario. Para rin itong si Hannah-- sa isip-isip niya. Para bang naulit lang lahat ng pangyayari.
"Grabe. Ba't kaya sila hinihimatay? Wala naman akong ginagawa." Labas ang nguso na turan ng dalaga. Hindi niya tuloy maiwasang ma-disappoint sa nangyayari sa harap niya sa tuwing may bagong salta na makakakita sa kanya sa unang pagkakataon. "Nakakatakot ba ako?" Nakanguso niyang turan, walang particular na tao siyang tinatanong. Wala siyang ibang nais kausapin maliban sa hawak-hawak niyang bungo na ngayon ay himas-himas niya. Seryoso lang na nagmamasid si Margaux habang abala ang tatlo sa pagliligpit sa walang malay nilang kasamahan na animo'y kalat lang.
"Maria?" Pag-uulit ni Margaux sa pangalan nito. "Mabait ba siya?
