"Magandang araw, Romana." Napalingon si Romana nang marinig ang isang pamilyar na boses.
"Pacita?" Bulalas niya nang makita ang dating head maid ng Alphamirano Estate. Sa likuran nito ay may isang dalagitang nakasuot ng bestidang kulay rosas.
"Romana? Sino 'yan?" Kakarating lang nila Hannah at Sofia. "Manang Pacita?" Bulalas ng dalawa saka niyakap ang matanda. Si Pacita rin kasi ang nagdala sa kanila sa manor.
"Kumusta na? Hindi ba kayo pasaway kay Romana?" tanong ni Pacita sa kambal. Agad namang nagpalingo-lingo ang dalawa.
"Sino siya, Manamg?" Si Hannah ang naunang nagtanong.
"Ah, si Maria." Nakangiting turan ni Pacita saka inakay ang dalagita palapit kay Romana. Likas na mahiyain si Maria, kaya sa halip na bumati ay iiling-iling ito.
"Naku, Maria. Huwag kang mahihiya sa amin ha."
