Nang marating nila ang Isla ay naunang bumaba ang mga tauhan ni Magnus at Dawson, pinapaniguradong ligtas ang paligid. Kasunod na bumaba ay sina Aurelio, Enrique at Lucca. Sinundan nila Gabriel at Mikhael. Nag-aagawan pa sa daan sina Sofia at Hannah kung kaya't nakatanggap ito ng sandamakmak na salita mula kay Romana, nangyari pang pinaghahampas ito ng dala-dala nitong stick na gagamitin sa dekorasyon. Huling bumaba sa yateng 'yon ay si Magnus habang akay-akay ang asawa. Sa kabilang yate naman ay sina Irene at Ezio.
Agad na bumitaw si Margaux kay Magnus na ikinabusangot ng huli dahil mas pinili ng kabiyak na lumapit kay Irene. Dahil sa magkasama sina Irene at Margaux ay naiwan sina Magnus at Ezio.
Agad na lumihis ng landas si Magnus, pilit na iniiwasan si Ezio ngunit nang paglingon niya
