Margaux Arevalo
Agad naming inilabas si Gabriel nang mismong araw na 'yon. Ang kanyang silid ay nasa kabilang dulo, may kalakihan din ito, kumpleto sa gamit at maganda rin ang tanawin sa sarili nitong balkonahe.
Alas syete ng gabi nang makatulog si Gabriel, kahit pa nailabas na namin ito ay limitado pa rin ang galaw nito ay medyo nanghihina pa rin ito. Isa na rin siguro sa dahilan kung bakit nakakatulog ito ng mabilis ay dahil sa iniinom nitong gamot.
Nang bumalik ako sa silid ay nakita kong papasok na rin si Magnus sa sarili nitong silid.
"Magnus," sambit ko. Napatigil ito saka napatingin sa akin.
"Gusto ko lang mapasalamat ulit sa lahat ng nagawa mo para sa aming magkakapatid," sincere kong turan dito.
Binitawan niya ang door knob saka lumapit sa akin, inagaw niya ang door knob
