Patapos na akong kumain ngunit nang makita kong kumakain pa ang mga bodyguards ni Magnus na nasa kabilang mesa ay hindi muna ako tumigil. Inunti-unti ko ang pagsubo upang makasabay ko ang mga ito. Panigurado kasing titigil sa pagkain ang mga ito sa oras na tumayo ako.
Nagtaka ako kung bakit ngingiti-ngiti si Magnus. "Anong nginingiti-ngiti mo?" untag ko.
"I just find you amusing. I know you're done but you're waiting for them to finish," sabi nito sabay nguso sa mga lalaking kumakain.
"Tao rin naman kasi sila, tingnan mo, sarap na sarap sila sa kinakain nila." Sagot ko saka ako uminom ng tubig at napatingin sa malayo. Hanggat maaari ay iniiwasan ko na magtama ang aming mga paningin.
"Margaux, let's get married." Biglang turan nito. Sa sobrang pagkabigla ay napatayo ako dahilan upang ma
