"Kilalang-kilala na kita, anak. Kaya't hindi na ako magpaligoy-ligoy pa. Alam ko namang iyan din ang pinakaayaw mo sa lahat. But let me remind you, Hija. Answer me honestly," agad na saad ni Aaron Sud sa anak na babae.
Laking pasasalamat nga nilang mag-asawa dahil sa wakas ay natiyempuhan din nila si Mayure na mag-isa dalawang araw simula nang iniabot sa kanila ng panganay na anak ang report tungkol sa lalaking nagpakilalang Walter Grae Lopez na taga-France raw.
"Mukhang seryosong-seryoso kayong dalawa ni Mama, Papa. Aba'y may kasalanan po ba akong hindi ko nalalaman?" may pagtataka nitong tanong.
"Hindi naman sa ganoon, Hija. Nais ka lang naming kausapin ng Papa mo. Kaya't huwag kang mag-alala at mag-isip ng kung ano-ano," agad na saad ng Ginang.
Lihim tuloy siyang napatawa. Dahil tam
