My dearest brothers,
Sigurado akong wala na ako sa mundong ito kapag sumainyo ang sulat kong ito. Ganoon pa man ay nais kong ipabatid na walang kasing saya ang buhay ko simula noong nakilala ko kayong lahat. Minsan ay aminado akong mas importante kayo sa akin kaysa sarili kong pamilya.
Pareng Curly Boy, hindi ko man siguro sinasabi sa iyo ngunit utang ko ang pangalawa kong buhay sa iyo. Bata pa ako noong nakilala kita sa lansangan ng Tondo ngunit hindi naging sagabal iyon sa pakikibaka mo sa buhay. Nang dahil sa iyo ay natuto ako sa lahat ng bagay lalong-lalo na kung paano bumasa at magsulat. Kung paano pakisamahan ang mga taong mababa ang tingin sa atin lalo at sa lansangan tayo lumaki.
Labis-labis ang paghanga ko sa iyo, Pare, mula noon hanggang sa kasalukuyan. Dahil kahit ano'ng pags
