"Aba'y ano na naman ang ginagawa n'yo rito?" nakasimangot na tanong ni Luther sa mga kaibigan.
"Tsk! Tsk! Bakit ba ang sungit-sungit mo, Pareng Kulot? Aba'y sa pagkakaalam ko ay hindi naman masama kung dalawin ka namin dito," nakangising saad ni Mundo.
"Ang sabihin ninyo ay may naisip na naman kayong kababalaghan. Susme, maari bang magsilayas kayong tatlo? Talagang nakakabulahaw na kayo eh." Sa kaisipang may kababalaghang binabalak ang mga ito ay napaismid si Luther.
Kaso sa inasta niyang iyon ay mas hindi siya tinantanan ng tatlong sutil. Ang mga sworn brothers niya ay talagang ipinanganak yata noong umulan ng kasutilan. Imbes na iwanan siya lalo at nagsusungit-sungitan siya sa mga ito ay mas nakipagharutan pa.
"Pareng Kulot, ilang taon na rin tayong nahulog sa kalendaryong nakasabit
