"Yes, tama ang narinig mo. Napakalaking pera na iyon Issay kaya dapat lamang na tanggapin mo iyon." wika ni Senyora. Animo sigurado na ito na tatanggapin niya ang alok nitong iyon.
Mababanaag sa mga mata nito na tila proud na proud ito sa alok nito sa kanya.
"Teka, tama po ang ang pagkakaintindi ko Senyora, nais nyong ipagbuntis ko ang anak ni Sir Ellion? Nais ninyong isuko ko ang p********e ko sa anak ninyo para lamang mabuntis niya ako at maging ina ng magiging anak niya?" halos di makapaniwalang tanong niya sa ginang.
"Nope, mali ang pagkakaintindi mo hija. Ipagbubuntis mo lang ang apo ko pero hindi ikaw ang magiging ina. Matapos mo siyang iluwal, maglalaho ka ng parang bula. Wala ka ng magiging karapatan pa sa apo ko dahil bayad na ang serbisyo mo. Pagkaluwal mo sa apo ko, aalis
