"Bok, timpla ka ng kape medyo malamig ang panahon ngayon mukhang uulan." Utos ng isang pulis sa kasamahan niya. Nilalaro-laro pa nito ang yosi sa daliri nito tsaka sinindihan iyon.
"Sige Bok, wala pa ba si Mendez? Gago na iyon, itinakbo na yata iyong pambili ng alak, halos isang oras na ang gag* hindi pa rin nakakabalik." Natatawang wika ng isa pa.
"Hindi 'yon, baka natagalan lang dahil alam mo naman na pinupormahan non iyong tindera ng barbeque, baka nga naka-iskor na ang kumag. Sige na, timpla ka muna ng kape para mainitan mga sikmura natin para pagdating ni Mendez, sisimulan na natin ang tagay." Wika pa ulit ng isa habang panay na ang hithit ng sigarilyo.
Apat lamang silang nakaduty, ang isa ay bumili ng alak at ang isa naman ay nasa cr ng oras na iyon. Kanina pa kasi ito balik-balik
