“Isabel sumusobra ka naman yata kahit saang anggulo tingnan mali ka, maling-mali na manakit ka ng isang dalagita lalo na kung wala namang kalaban-laban sayo. Mahal kita pero hindi ko mapapalampas ang pagkakamali mong ito. Imbis na humingi ka ng tawad at mangako ka na hindi mo na gagawin ulit. Pero heto tinatawanan mo lang kami, maging ang mama ay tinatawanan mo na rin. Ano bang nangyayari sayo asawa ko hindi ka pa ba okay? Naalog na ba yang ulo mo na yan dahil sa nangyari sa atin sa aksidente?” Halos hindi makapaniwalang sunod-sunod na tanong ni Ellion kay Isabel.
Hindi niya matanggap na ngayon ay tinawanan lamang sila ng babae syempre lalo na para sa kanyang mama. Napahiya siya sa matanda dahil pinagsasabihan lamang nito ang kanyang asawa ngunit nakuha pang tawanan ito ng kanyang mahal.
