Sandaling iniwanan ni Dean ang pagrereview sa advertising proposal nang mapansing malapit ng mag-alas otso ng gabi. Nag-alala siya nang maalala ang sinabi ni Joanna na hihintayin siya nito sa dinner, kaya tinawagan niya ito.
"Hello, heart. Baka ma-extend pa ang overtime namin. Marami pang kailangang tapusin, eh," malambing na bungad ni Dean sa asawa. "Baka mga ten na ako makauwi. Kaya huwag mo na akong hintayin. Mauna ka ng kumain."
"Okay, heart Basta magdinner ka na rin diyan. Huwag kang magpalipas ng gutom," ani Joanna sa kabilang linya.
"Yes, heart. Ang mga bata ba, tulog na?"
"Nagpapaantok pa lang," tumawa nang marahan sa kabilang linya si Joanna. "Kanina pa nga tanong nang tanong itong prinsesa mo kung nasaan ka na raw. Magpapahele na naman yata sa'yo."
Matamis na napangiti si De
