Pagkatapos na maligo at magpaganda ay ibinilin na ni Joanna nang mabuti kina Beatriz at Mark si Cassidy. Mabuti na lang at half day lang sa trabaho ang kapatid niya. Ito na rin ang umakong susundo kay Ton-ton sa school, kahit may dalawa namang bodyguard ang anak niya.
Tumanggi na rin si Joanna nang mag-alok ang dalawa sa bantay nila na samahan siya. Kayang-kaya ni Joanna na protektahan ang kaniyang sarili. Mas kailangan ng mga anak nila ang proteksiyon. At saka isa pa, gusto niya ay hintayin na lang niya si Dean hanggang mag-uwian. Yayayain niya itong mamasyal mula sila bago umuwi. O kaya manod muna sila ng movie. Maraming showing ngayon na gustong-gusto panoorin ni Dean.
Pagkatapos pasadahan ang sarili sa salamin ag makuntento sa nakita ay lumabas na ng master bedroom si Joanna at bumab
