Dahan-dahang nilapitan ni Joanna ang side table na nasa loob ng opisina ni Dean. Nanginginig ang mga kamay na hinimas niya ang sigurado siyang sauce ng adobo, na tila tumilapon. At hindi lang 'yon, may mga ilang butil din ng kanin ang nakakalat sa lamesa. Base sa obserbasyon ni Joanna, dalawang tao ang kumain sa lamesang iyon. Mukhang may kasalong kumain ang kaniyang asawa.
Pero hindi lang iyon ang ikinapanginig ngayon ng laman ni Joanna. Kundi ang lipstick at pambabaeny suklay na nasa katapat na upuan ng side table. Bumibili rin naman siya ng cheap lipstick hanggang ngayon pero hindi gan'ong brand. Yumukod si Joanna para samyuin ang upuan. At hindi siya maaaring magkamali, isang female scent ang naaamoy niya. Parang pamilyar kay Joanna ang amoy na iyon. Hindi lang niya maalala kung kanin
