"Nanay! Nanay! Nandito po si Tito Dean!" Napatigil si Joanna sa pagliligpit ng mga gamit ni Ton-ton nang marinig ang excited na boses ng anak.
Dalawang araw na rin simula nang huli silang magkita ng nobyo. Nagpaalam kasi ito na may importante itong meeting via online. Namimiss man ni Joanna si Dean pero inisip niyang pabor iyon sa kaniya at sa Animaux. Para sa paghahanda ng misyon nila mamayang gabi. May naisip ng dahilan si Joanna na sasabihin niya mamaya kay Dean para sa pag-alis niya mamayang gabi. At posibleng sa ilang araw niyang pagkawala.
Bagama't nagkaroon man ng kaunting bangayan sa VIP room noong gabi ng final meeting ay matagumpay pa rin nila iyong naraos. Maayos nilang nailapag ang mga lahat ng kailangan nilang gawin. Tumupad din si Jared sa usapan nila. Walang pakalat-pakal
