Huling gabi nila sa Hongkong Disneyland. Kaya naman naglambing ang mga magulang ni Dean na kung puwede, sa hotel room na nito patulugin ang mga bata.
Napagkasunduan kasi nila na huwag na silang sumama sa Pilipinas para manatili pa sana ng ilang araw. Baka raw kasi doon pa sila masundan ng mga kalaban. Bukas na bukas din ay maghihiwa-hiwalay na sila ng landas.
"Good night, my princess. Daddy loves you so much," napangiti si Joanna nang paglabas niya ng shower room ay narinig niyang kausap pa rin ni Dean ang bunso nila. Nakaupo ito sa kama. Kanina pa tawag nang tawag si Cassidy. Bago pa siya magshower. Panay ang good night at "I love you" sa kanila. "Pakisabi kay Kuya Ton-ton, good night and I love him, too. Mommy loves you both, too," Kapagkuwa'y ibinaba na ni Dean ang cellphone na may n
