May dalawang linggo nang nakabalik sa Australia ang pamilya Monreal. At katulad ng ipinangako nila ni Dean sa isa't isa ay iniwasan na nila ang mag-away. Kapag may kaunting tampuhan ay kaagad nilang inaayos.
"Yehey! Talaga po, Mommy?" tuwang-tuwa na tili ni Cassidy nang sabihin niya ritong isasama niya pagsundo kay Kuya Ton-ton sa school.
Dati pa kasi gustong-gusto ni Cassidy na sumama kapag sumusundo siya kay Ton-ton. Kaso sa tuwina ay tinatanggihan ito ni Joanna. Bukod sa mahigpit ding tinututulan ni Dean. Baka raw kasi hindi niya kayang protektahan ng sabay ang kanilang mga anak. Kaya sumasama lang si Cassidy sa pagsundo sa kuya kapag kasama ang ama.
Pero ngayon ay kampante na si Joanna kahit papaano. Naniniwala na sila kina Nicolo at Reuben na hindi na banta sa kanila ang Seven Hea
