Hindi maintindihan ni Dean kung bakit kanina pa siya parang kinakabahan. Mali-mali na nga ang mga tinatype niya sa laptop, eh. Kaninang umaga pa lang nang umalis siya ng bahay ay parang may humihila na sa kaniya pabalik. Lalo na nang walang tigil siyang hinalikan ni Cassidy at walang kasawaan na pagsasabi sa kaniya ng "I love you".
Kaya nga napatawag siya kaagad kay Joanna dahil bigla niyang naalala ang kanilang mga anak. Nakahinga nang maluwag si Dean nang malamang nasa bahay lang ang mga ito. Pati si Ton-ton ay nakauwi na rin daw. Inisip na lang ni Dean na siguro nasanay lang siya na isang linggong walang ibang kasama kundi ang pamilya.
Pero ngayon, bumalik na naman ang kakaibang kabog ng dibdib niya. Pati kamay ni Dean ay nararamdaman na niya ang panginginig. Tumayo ang binata para u
