"C-cassidy!! A-anak... patawarin mo si Mommy. C-cassidy!!"
Napahinto sa pagpasok ng master bedroom si Dean nang marinig ang pagsigaw ni Joanna. Bumangon ang galit niya rito na ilang araw na niyang kinikimkim. Ilang beses na niya itong gustong sumbatan ngunit sa tuwina ay natatalo iyon ng natitira niyang pagmamahal sa asawa.
"K-kahit ilang beses mo mang tawagin ang pangalan ng anak natin, hinding-hindi mo na siya maibabalik, Jo..." sarkastiko niyang saad kay Joanna.
Napabalikwas ito nang bangon nang makita siya. Sa kabila nang matinding galit ni Dean sa asawa ay hindi niya mapigilan ang maawa para rito. Simula nang mamatay si Cassidy, walang gabing hindi nito niyayakap ang paboritong unan ng kanilang anak.
May parte ng puso ni Dean ang gustong-gusto na damayan ang asawa. Pero sa tuwing
