"Mahal na mahal kita, apo. Palagi mong tatandaan 'yan," maluha-luhang saad ni Lola Mildred nang magpaalam si Dean na magpapahinga na rin.
Sa pagitan nang mamasa-masang mga mata ay napatingin siya sa kamay ng abuela na mahigpit na nakakapit sa pulsuhan niya. Sobrang sama ng loob ni Dean pero mahal na mahal ng binata ang Lola niya. Hindi niya ito kayang sumbatan.
Yumukod si Dean at hinagkan sa noo ang matanda. "M-magpahinga na po kayo," pagkasabi ay malalaki ang mga hakbang na lumabas siya ng kuwarto nito.
Halos takbuhin ni Dean ang rooftop at doon ay binuhos niya lahat ng emosyong kanina pa niya gustong pakawalan. Pero pinigilan niya dahil nag-alala siya sa kaligtasan ng abuela. Mahal na mahal ito ni Dean at hindi niya kayang biguin at mas lalong hindi niya kayang saktan. Naiintindihan
