BEARLAN turned around and headed back to the stairs. Para kasing may nahagip ang gilid ng kanyang mga mata. Parang nakita niya 'yong babae. 'Yong babae sa sementeryo.
"Namalikmata lang ba ako?" Subalit nalibot na ng buong tingin niya ang ibaba ng hagdan ay wala naman na 'yong babae.
Naiiling na lang tuloy siyang ipinagpatuloy ang pagpunta sa kanyang kuwarto. Saka naisip niya, ano naman ang gagawin ng babaeng 'yon dito sa bahay nila?
***
"COME, Tiffany. I'll introduce you to my son right now," sabi na ni Madam Amelia ora mismo nang masabi ni Vicky na payag na si Tiffany a offer nito.
"Ngayon na po?" Lumaki ang mga mata ni Tiffany. Hindi pa siya ready kasi. Hindi naman masyado excited si Madam, 'no?
"I don't wanna waste time. Dumating na ang anak ko kanina lang kaya dapat na kayong mag
