PASIMPLENG napapakamot na lang sa ulo si Tiffany. Oo nga't nakasakay siya ngayon sa kotse ng crush niya pero ni HO ni HA ay hindi man lang kasi ito nagsasalita. 'Yung inasahan niya kasing tatanungin nito ang pangalan niya ay wala. Nganga!
"Hindi kaya nalulon na niya ang dila niya?" naisaloob niya tuloy. Kasi naman, eh. Sayang ang pagkakataon, dyahe naman kung siya ang mauunang magtanong, 'di ba?
Pero 'yon nga. Nakarating sila sa kanto na walang nangyari.Saklap, besh!
"Marami na r'yan masasakyan na taxi," sabi ng crush niya. At least nagsalita na ulit.
"Ah, sige po." Bumaba si Tiffany sa kotse na laylay ang kanyang mga balikat. Hirap pa siyang bumaba kasi parang ayaw ng puwet niya na umalis sa kinauupuan niya. Ang bigat ng dibdib niya na isinara niya ang pinto ng kotse ng crush niya. Ni
