"TTIFFANY, bakit hindi ka pa bumabangon? Maagang nagigising si Sir Bearlan kaya bumangon ka na d'yan!" panggigising sa kaniya ni Vicky. Niyuyugyog siya nito aa balikat pero umungol lang siya.
"Sabing gumising ka na!" Hinila ni Vicky ang kumot niya.
"Ang aga pa, eh," reklamo niya na napakamot sa pisngi.
"Alas singko na kaya gumising ka na! Bilis na!"
"Grabe naman!" maktol niyang napilitang bumangon. Naghikab siya at nag-unat.
"Sige na ayusin mo na ang sarili mo."
Tumango siya na nakapikit pa rin ang mga mata. Hihiga pa sana siya.
"Tiffany, let's go!" nang bigla ay boses ni Bearlan.
"Halla!" Napadilat siya ng mata nang bonggang bongga. Ang bilis niyang hinila kay Vicky ang kumot at tinakluban ng kumot ang sarili niya.
"Sir, 'andito na pala kayo?" Nagyuko ng ulo si Vicky sa among bin
