KABANATA 17:
PINAGBIHIS ako ni Manang Corazon ng aking uniporme. Kulay gray na terno. V-neck design at may manggas. Gray slacks naman sa pangibaba at slip on rubber shoes naman para sa aking paa. Iniwan ako ni Manang matapos ang saglit lang na chikahan. Mamaya ay ipapakilala niya din ako kay Amber. Iyong bata na aalagaan ko pero bago iyon ay ililibot niya muna ako sa buong mansion para maging pamilyar at kung ano dapat kong tandaan pagdating sa aking alaga. Nai-text ko na rin sila Mama tungkol sa pagdating ko at ang simula ng aking trabaho ngayon.
Pinusod ko ang itim at alon-along buhok. Naglagay ng pulbos at kaunting lip gloss bago umalis sa harap ng salamin. Maliit lang ang kwarto ko. Parang sa boarding house din siya na tinuluyan ko nung nakaraan. Iyon nga
