KABANATA 64:
BUMAGSAK ang ulan. Malakas at dinig na dinig sa kwarto ko kaya hindi ako masyado makatulog. Bukas ako uuwi sa amin. Naayos ko na iyong gamit na dapat kong dalhin. Oras na sana para matulog pero nahihirapan ako dahil sa maingay na tunog galing sa yero ng bahay.
Hindi naman ako lumaking maarte pagdating sa ganyan. Lumaki ako na walang kisame at yero agad ang sa taas ng bahay. Dinig na dinig mo ang bagsak ng ulan. Maingay. Nakakatakot. Pero nasanay ako. Ewan ko ba ngayon ay hindi na. Samantalang ilang buwan pa lang naman ako sa mansion ng mga Sevilla.
Uuwi ako sa amin na maulan. May bagyo pa ata. Sana huminto din mamaya para hindi mahirap sa biyahe pauwi. Madaling araw ako aalis. Tumunog ang cellphone ko. Tumagilid ako ng higa at kinuha iyon. Nakita ko
