KABANATA 48:
NAKAPAG-USAP na kami ni Dana at alam na din niya na nasa Quezon ako. Kaya lang ng sabihin ko na sa kanya ang tungkol sa nalaman ko ay maski siya ay nagulat. Pati tuloy ang kaibigan ko ay problemado. Ganunpaman, nakatulong pa din na may napagsabihan ako na kakilala.
“Paano ‘yan? Anong plano mo?”
“H-hindi ko pa alam. Naguguluhan pa ko.” Nakatitig ako sa kawalan ng sabihin iyon sa kanya.
“Hindi mo sasabihin sa kanya?”
Natigilan ako. Sasabihin ko ba? Para saan? Sustento? Karapatan din malaman iyon ni Logan. Pero diba binayaran na ko ng sobra-sobra ng Papa niya para lumayo ako. Makakagulo lang ako sa kanila. Kaso kung hahayaan ko naman. Paano naman ang anak niya sa akin? Ako lang magtataguyod mag-isa?
“Hindi ko din alam,
