KABANATA 46:
BINIGAY agad ni Dana iyong address. Hindi na ko nagaksaya ng panahon. Sumakay agad ako sa bus patungong Quezon. Kahit na nahihilo at sinisikmura na ko sa pagod. Biruin mo ay naglakad pa ko dahil malayo ang terminal. Napalayo na kasi ako nung bumaba. Nahilo ako sa init. Pawis na pawis ako at hindi ko alam bakit bigla na lang sinisikmura ng pagsakay ko sa Bus.
Patungo ako sa barangay Santa Lucia sa Mauban Quezon kung saan ang ancestral house ng matandang aalagaan ko. Kamangha-mangha na kanina namomorblema ako dahil wala na kong trabaho. Mapuputol na ang sahod ko pero heto at ang bilis ng biyaya ng itaas. Binigyan agad ako ng trabaho. Hindi ko pa man alam kung maganda o pangit ang pasahod. Basta kailangan ko ng pagkaka-kitaan. Bahala na mamaya. Medyo matagal a
