Jacob Suarez
MARIIN kong kinuyom ang aking kamao sa manibela ng kotse. Kasalukuyan akong nakaupo ngayon sa loob at inaalala kung ano ang mga bagay na sinabi ko kay Jake kanina.
Matagal akong nagtimpi. Matagal akong nanahimik at tinago ang lihim na ito, ngunit hindi ko akalain na mapupuno ako nang tuluyan kong makita ang invitation card ng dalawa. Doon ako nagising nang tuluyan. Ayoko nang manahimik pa. Hindi ko na kayang makita pa ang aking anak na kasama ng iba. Kasama ng tito niyang inakalang anak niya si Aki.
Ang totoo, nangako ako sa sarili na walang makakaalam nito at tanging si Andy lang ang aking pinagsabihan noon, ngunit hindi siya naniwala at pinilit na si Jake ang ama ng bata.
Sinimulan kong hawakan ang kambyo at pinaandar ang kotse, binaybay ko ang kalsada at nagtungo sa isa
