"SUSUNDUIN ulit kita mamaya. Tawagan o i-text mo na lang ako kapag tapos na ang klase mo," wika ni Damon kay Phoenix habang nasa loob sila ng sasakyan.
Kararating lang nila sa parking lot ng school na pinapasukan niya at inihatid siya ni Damon. Pinagbuksan siya nito ng pinto ng sasakyan bago siya inalalayang bumaba. May ilang tulad niyang estudyante ang napapatingin sa gawi nila na hindi na lang niya binigyang-pansin sapagkat mula noong mga unang araw niya sa school ay agaw-atensyon na silang dalawa dahil sa mga ginagawa ni Damon kaya medyo nasanay na siya.
Si Damon kasi ang klase ng lalaki na walang pakialam sa nasa paligid nila kapag silang dalawa'y magkasama. Ginagawa nito ang gusto nitong gawin tulad ng yakapin at halikan siya kahit na alam nitong may nakatingin sa kanila. Tila sina
