“MOMMY! I’m home!”
Nagulat si Charmaine nang salubungin siya ng limang taong gulang niyang anak na lalaki. Pababa pa lang siya ng hagdan ay niyakap na siya nito. Nakasukbit pa rin sa likod nito ang bag nito. Nanggaling ito sa school. Kanina pa siya naghihintay sa pag-uwi nito. Naibsan ang pag-aalala niya.
Grade one na si Chad. Maaga itong nakapag-aral. Tinanggap ito ng paaralan dahil halos ka-level ng utak nito ang utak ng eight years old. Humalik ito sa pisngi niya.
“Where’s your Dad?” tanong niya.
“I don’t know,” nakangiting sagot nito.
“Paano ka nakauwi mag-isa?”
“Si Tito Jensen.”
Napatingin siya sa pinto kung saan pumasok si Jensen. Suot pa nito ang pilot uniform nito.
“Hi, Charm!” nakangiting bati nito.
“Wala ka nang flight? Pinuntahan mo ba sa school si Chad?”
“Mom, I’ll go
