BINUKSAN ni Dylan ang drawer sa lamesa ng bookshelves niya kung saan nakalagay ang naka-frame na litrato nila ni Charmaine. Naabutan niya kanina ang dalaga na hawak ang litratong iyon pero hindi niya ito pinigilan. Kinuha niya ang litrato na hindi naibalik nang maayos sa frame. Obvious na binuksan iyon ng dalaga. Matatapos na ba ang pagkukunwari niya?
Sa halip na kabahan ay lalo siyang nasabik na sa wakas ay unti-unti na siyang makikilala ni Charmaine. Naisipan niyang halungkatin ang laman ng drawer. Naroon pa ang mga lumang notebook niya noong high school. Halos hand writing lahat ni Charmaine ang nasa kuwaderno niya. Ito kasi ang tagasulat niya noon.
Hinihiram niya ang notebook ni James at pinapakopya sa dalaga ang pinasulat ng guro nila. Tamad kasi siyang magsulat. Kapag nagpumilit k
