NAKAILANG subo na ng pagkain si Charmaine pero hindi pa rin siya maka-get over sa nangyayari. Pakiramdam niya ay nasa isang pantasya pa rin siya ng kanyang hibang na isip at damdamin.
Kumislot siya nang biglang dumapo ang kamay ni Dylan sa gilid ng labi niya at pinahid ng daliri nito ang sarsa ng salad na naiwan sa gilid ng labi niya. Matamang tumitig siya rito. Deretso ang titig nito sa mga mata niya. Bumilis na naman ang t***k ng puso niya. Pulit-ulit siyang lumunok.
“How’s your memory status? Do you remember anything related to your past?” pagkuwan ay usisa nito. Inalis nito ang kamay sa kanyang labi.
Bumuntong-hininga siya. Matagal na siyang naghahanap ng mapagsasabihan tungkol sa pasulpot-sulpot na mga magulong senaryo sa isip niya.
“Habang tumatagal ay lalong dumarami ang mga eks
