PAGKATAPOS ng duty ni Charmaine sa food center ay dumeretso siya sa fitness gym para magpapawis. Mamayang alas-tres ng hapon ay may memory scan ulit siya. Once a week na lang niya iyong gagawin. Kailangan niyang sundin ang payo ni Dr. Lee para maging malusog ang puso niya.
Tumuntong siya sa treadmill saka ito pinaandar. Itim na leggings at fitted black sleeveless ang suot niya at itim na rubber shoes ang sapin sa mga paa. Itinali niya ang ga-balikat niyang buhok nang mataas para walang sagabal na hibla.
Habang tumatakbo siya ay biglang may magulong eksena na sumagi sa isip niya. May nakita siyang mga bata. At may katagang umugong sa tainga niya.
“Gusto ko ako lang ang mag-aalaga sa puso mo,” katagang nag-e-echo sa utak niya.
Inihinto niya ang treadmill saka ikiniling ang kanyang ulo. K
