Ayon sa aking inaasahan, maingay nga ang loob ng van na sinasakyan namin.
"Mami, it's too noisy po." mahinang sabi sa akin ni Nigel na siyang nakasiksik sa akin ngayon. Nasa pangatlong hilera kami ng van. Ang nasa dulo ng van ay sina Yaya Isabel at si Manang na matagal ng kasambahay nila kuya Jeppy.
Akala ko nga hindi makakasama si ate Jasmine, tatlong buwan na kasi siyang buntis sa pangatlong baby nila. Nananalangin si kuya Jeppy na babae na sana ang pinagbubuntis ni ate Jas.
Yumakap sa akin si Nigel, hinaplos ko naman ang buhok niya. Alam kong inaantok ang isang ito. Si Naxir naman ay abala pa rin sa pagkikipaglaro sa mga pinsan. Ang iingay nilang lima.
"Lourde! Gising ba si Lourde?" Napaangat ang tingin ko ng marinig ko ang boses ni kuya Jim.
"I'm awake, kuya. Why?" tipid na sa
