KABANATA 34:
BALAK SANA NI RUFERT NA SIYA NA ANG GUMASTOS sa lahat dahil siya naman daw ang lalaki, pero hindi pumayag si tatay. Talagang siya ang nagbayad ng wedding gown ko pero hindi naman nila sinabi sa akin kung magkano. Kahit ipilit ko sa kanila, kahit tanungin ko nang tanungin, same lang ang isasagot na secret daw. Siguro malulula ako kapag nalaman ko. Sobrang ganda kasi ng wedding gown ko, para akong isang prinsesa dahil dito. Parang kay Belle kasi ang style ng gown ko pero may pagka-mermaid look ang dulo ng gown.
Halos mag-iba ang itsura ko dahil sa make up na ginawa sa akin. Sa totoo lang parang hindi na nga ako kapag biglang lingon. Nag-mature ang mukha ko dahil ini-highlight talaga ang bawat feature ng mukha ko. Siguro magiging ganito talaga ang itsura ko pagdating ng araw.
