KINABUKASAN ng umaga paggising ni Aya ay nagulat siya paglabas niya ng kuwarto ay may bouquet ng bulaklak sa harap ng pintuan niya. Sa ibabaw ng bulaklak ay may greetings card na nagsasabing… ‘Happy birthday!’. May katabi pang munting kahon ang bulaklak na may nakapatong na imported chocolate sa ibabaw.
Nagtataka siya, sino naman ang nagbigay niyon? Wala naman siyang pinagsabihan ni isa roon sa compound na birthday rin niya sa araw na iyon. Wala namang nakalagay sa card kung kanino nanggaling ang regalo. Basta naka-note na para sa kanya ito. Imposible namang nanggaling iyon kay Henry, e kahapon pa nagbigay sa kanya ng regalo ang dating nobyo.
Kahit nalilito ay hinakot niya papasok sa loob ng kuwarto ang bulaklak at regalo. Nasabik siyang buksan ang munting kahaon na may presentableng bal
