NANG makaalis na si Henry ay kinuha na ni Aya ang hose ng tubig saka sinimulang magdilig ng mga halaman. Alas-tres pa lang ng hapon pero kailangan niya magdilig ng maaga dahil baka alas-otso ng gabi na naman siya matapos sa lawak ng didiligan niya. Gusto pa naman ni Adam ay yaong bumabaha talaga salupa.
Pagdating niya sa garahe ay nasipat niya si Adam na may ipinapasok sa compartment ng kotse nito. Mukhang aalis ito dahil bihis na bihis. Dagli niyang binawi ang tingin nang mahagip siya ng mga mata nito. Tinalikuran niya ito.
“Aya!” mamaya ay tawag nito sa kanya.
Hinarap naman niya ito habang ang hose ng tubig ay itinutok niya sa puno ng halaman. “Sir?” aniya.
“Pagkatapos mong magdilig mamaya, pumunta ka sa study room at maglinis,” utos nito.
Magrereklamo sana siya.
“Pagkatapos mong m
