MAKALIPAS ang araw na naging usap-usapan sa teritoryo ang away nila Aya at Yna, ay naging usap-usapan na rin ang relasyon nila ni Adam. Hindi alam ni Aya kung paano kumalat ang balitang iyon. Hindi naman siguro nag-anunsiyo si Adam tungkol sa pormal nilang relasyon. Pero ngayong tatlong araw na silang opisyal na magkasintahan ay hindi na siya natatakot na mahusgahan dahil si Adam naman mismo ang gumagawa ng hakbang para magkaroon sila ng moment na dalawa. Pero hindi pa rin maiwasan ang ilang hindi pabor lalo na ‘yong mga lihim na minamahal si Adam.
“Hindi talaga ako nagkamali ng hinala noon, may espesyal talaga sa inyo ni Boss, Aya,” kinikilig na sabi ni Jean habang kasalo niya ito sa almusal.
“Hindi ko iyon inaasahan, Jean. Masyado kasing mabilis ang pangyayari,” aniya.
“Ang sabihin mo
