KINAKABAHAN si Aya nang pagpasok niya sa yate ay wala siyang makitang tao. May kalakihan ang yate na may kuwarto sa loob at may sariling kama. May naririnig siyang romantic instrumental music mula sa labas. Umakyat naman siya sa hagdan paakyat sa maluwag na espasyo sa itaas.
Namangha siya nang makita ang naka-set-up na lamesa na may pulang kobre. May dalawang upuan na magkaharap at kulang pula rin ang seat cover. Sa gitna ng mesa ay may nakatulos na malaking pulang kandila na may sindi. Sa paligid ng kandila ay may sariwang bulaklak. Katabi ng kandila ang bote ng red wine na hindi niya pamilyar. Ang mga nakahaing pagkain ay pawang mga seafood na nakamamangha ang plating. May nakahandang kobyertos na pangdalawahan. At ang umagaw sa pansin niya ay ang munting chocolate cake na maraming
