BIANCA
"Mommy!"
"Mom! We're home!"
"Mommy!"
Malakas at matinis na mga tinig ang magkasabay na narinig kong tawag sa akin ng mga anak ko nang dumating sila galing sa paaralan na kanilang pinapasukan.
Hindi nagtagal, bumungad sa harap ko ang triplet, suot ang kanilang uniporme.
"Bakit kayo sumisigaw?" agad na tanong ko.
Yumuko ako at isa-isang hinalikan ang mga anak ko sa pisngi, gaya ng nakagawian ko sa tuwing uuwi sila.
"Si Liam po, Mommy, pinaiyak na naman si Hazel," sumbong ng bunso kong si Lyndon at itinuro ang kapatid niya.
Napaka-pilyo talaga ng anak kong ito. Lagi na lang kinukulit ang panganay na anak ni Mavie.
Bumaling ako kay Liam at pinaningkitan siya ng mga mata.
"What happened? Bakit pinaiyak mo na naman si Hazel, ha, Liam?”
Salubong ang mga kilay at lukot ang muk
