BIANCA
Napanatag ako matapos naming makapag-usap ni Mateo. Nakaramdam ako ng seguridad dahil sa assurance na mahal niya ako at kahit anong mangyari, sisikapin naming maging maayos ang relasyon namin bilang mag-asawa.
"Hun, kung sakaling nagkita tayo sa loob ng bus at sinabi ko agad ang tungkol sa trabaho ko at nagpakilala akong sundalo, papayag ka bang sumama ako sa iyo sa bahay ni Sheng at isama rin kita pagkatapos ng kanilang kasal?" tanong ni Mateo sa akin.
Umiling ako bilang sagot. Kung nalaman ko agad na sundalo si Mateo, siguradong iyon na ang huli naming pagkikita. Baka nga hindi man lang ako nagkaroon ng interes na kausapin siya sa loob ng bus dahil iiwasan ko rin siya.
Alam kong kapag bumaba kami sa bus na sinakyan namin, ay hindi ko na gugustuhing makita si Mateo, at katulad
