BIANCA
Isang oras ang haba ng biyahe bago tumigil ang sasakyang sinasakyan namin sa harap ng isang bahay kung saan may nadatnan kaming maraming taong abala sa ginagawa sa bakuran.
"Bessy, mabuti at nakarating ka na. Bakit naman ganyan ang hitsura mo, babae ka?" malakas ang tinig na tanong ni Sheng nang salubungin kami.
"Hindi ka ba natulog sa bus?”
Ang ingay talaga ng babaeng ito, pero dahil sanay na ako sa kanya, tinawanan ko na lang siya.
"Sinong hindi maha-haggard ang itsura, Bessy? Ang layo pala ng lugar mo, tapos ang haba rin ng biyahe papunta dito sa inyo?" nakangiting sagot ko.
Nag-e-expect si Sheng na fresh akong darating dito sa kanila na parang galing lang sa kapitbahay, gayong napakalayo pala ng kanyang probinsya sa Maynila.
"At sino naman iyang kasama ninyo?" nakanguson
