BIANCA
Eksaktong alas-siyete ng umaga nang nakarating sa terminal ang bus na sinakyan namin ni Mateo. Laking pasasalamat ko na ligtas kaming bumaba at walang kahit anong nangyaring hindi maganda sa biyahe namin.
Hindi pa rin ako makapaniwala na may nahanap akong ipakikilalang boyfriend sa best friend ko. Natatawa akong nakatingin kay Mateo. Abala siya sa kausap, at naririnig kong sinabi niya sa kaibigan na kinabukasan na lang daw siya dadalaw sa bahay nito dahil may importante raw siyang gagawin.
Hindi ko akalaing sasakay ako sa bus na single, tapos bababa akong may instant boyfriend na ipapakilala mamaya sa kaibigan ko, kahit kunwari lang.
Nai-imagine ko tuloy ang magiging reaksyon ng bruhang si Sheng. Siguradong magugulat siya dahil wala naman siyang alam na may tinanggap akong manli
