ISANG linggo na rin ang lumilipas simula nang umalis si Andriano para pumunta ng ibang bansa. Sa pagbalik niya ay dumiretso siya sa opisina para asikasuhin ang nangyaring problema.
Hindi pa nakalalapag ang eroplanong sinakyan niya, nakatanggap na siya ng masamang balita. Isang shareholder ang gustong umalis sa kanilang kumpanya.
May usap-usapan na nabayaran ito ng isang company rival nila para mag-invest doon at iwan sila sa ere, subalit mariin itong itinanggi ni Mr. Cuangcho nang si Hilda na ang kumausap dito.
"Carol, magpatawag ka ng urgent meeting in 30 minutes. Connect me with Mr. Antonio, I need to talk to him."
Sandaling natigilan ang sekretarya niya sa narinig. Matagal siya nitong tinitigan habang halata ang pangamba sa mukha.
Nang mapansin iyon ay agad siyang nahinto sa ginaga
