SUOT ang white vintage off-shoulder dress, nagtungo si Tricia sa sementeryo kung saan nakalibing ang anak. Nilapag niya sa tabi ng lapida ang dalang isang kumpon ng mga puting bulaklak.
Nahihiya siya sa anak niya. Sa loob ng tatlong taon, kahit gustuhin pa niya, hindi man lang niya nadalaw ang puntod nito. At ngayong bumalik na siya, inuna pa niya ang paghihiganti sa halip na dalawin ito.
"Huwag kang mag-alala, anak ko. Magbabayad ang mga taong dahilan kung bakit hindi tayo magkasama ngayon. Pagbabayaran nila nang malaki ang ginawa nila sa atin."
Pinahid niya ang luhang bumagsak sa pisngi niya. Nakakuyom ang mga kamay nang alisin niya ang malaking hat sa ulo bago dinama ang malamig na simoy ng hangin.
Tahimik ang sementeryo, kaya nang may marinig siyang maliit na kaluskos mula sa likur
