MARAHANG isinara ni Andriano ang pintuan sa likuran nito saka pikit-matang sumandal sa pinto. Matagal na oras siyang nanatiling nakatayo, iniisip ang lahat ng nangyari. Huminga siya nang malalim at paulit-ulit na lumunok.
Makaraan ang ilan sandali, lumapit siya sa side table ng kama at saka kinuha ang isang bagay—jade stone iyon. Hindi ordinaryong bato dahil nabili niya ito sa malaking halaga.
Mariin na kumuyom ang mga kamay niyang nakahawak sa bato. Pinatong niya ang isang palad sa ibabaw ng side table upang kumuha ng lakas doon. Pakiramdam niya kasi ay bibigay ang mga tuhod niya sa panlalambot.
Huminga siya nang malalim bago humarap sa gawi ng pinto. Naningkit ang mga mata niya nang makita ang maliit na surveillance camera sa isang sulok ng silid. Umangat ang kamay niya sa ere at mala
