Tuluyan itong natigilan, dumungaw ang kaba sa dalawang pares ng mga mata. "Sir Andriano, h-hindi ko kayo maintindihan."
"Umipisa pa lang, alam ko nang ikaw ang nagsusumbong kay Hilda. Minamanipula mo ang lahat, kahit ang mga CCTV sa bahay."
Marahan nitong inilingan ang mga sinabi niya, hindi makapagsalita, nag-umpisang manginig ang mga kamay.
"Ang kaisa-isang ebidensiya na mayroon ako, ninakaw mo." Dumilim ang kaniyang mukha.
Naging mailap naman ang mga mata nito, nag-umpisang mamuo ang butil ng pawus sa noo. "S-sir, p-patawarin n-n'yo ako."
Mariin siyang pumikit. "Ikaw na nakakaalam sa lahat ng pinagdaanan at pagdurusa ko. Ikaw lang ang tanging pinagsabihin ko ng mga plano ko. Paano mo nagawa sa akin ito, Maui?"
"S-sir, m-makinig muna kayo—"
"Umalis ka na."
Bahagyang umawang ang m
